How to use Virtual Box

VirtualBox මෘදුකාංගයෙන් අපිට අපේ පිසී1 ඇතුලේ තවත් පිසී1 හෝ ඊට වැඩි ගානක් හදාගන්න පුලුවන්.මේවායින් අපිට ඇත්තම පිසී1කින් වැඩ කරනවා වගේ වැඩකරන්න පුලුවන්.නෙට්වර්කින් ප්‍රායෝගික ක්‍රියාකාරකම් වැනි දේවල්,අත්හදා බැලීම්,වෙනත් මෙහෙයුම් පද්ධති ස්ථාපනය වැනි දේට ගොඩාක් ප්‍රයෝජනවත්.මං මේක නෙට්වර්කින් ප්‍රායෝගික ක්‍රියාකාරකම් සදහා බහුලව යොදාගෙන තියෙනවා.

අද අපි බලමු VirtualBox යොදාගෙන අපේ පරිගනකයේ Virtual

විදියට වෙනත් මෙහෙයුම් පද්ධතියක් ස්ථාපනය කරන ආකාරය.

 
පලමුව මෙතනින් VirtualBox බාගන්න.දැන් මෙම සෙටප් වැඩසටහන ක්‍රියාත්මකර VirtualBox ස්ථාපනය කරගන්න.දැන් පහත ආකාරයට VirtualBox open කරගන්න.


Start-All Programs-Oracle VM VirtualBox-VirtualBox

පියවර 01

දැන් ලැබෙන වින්ඩෝවෙන් New ‍තෝරන්න.ඉන්පසු ලැබෙන වින්ඩෝවෙහි Next බොත්තම ඔබන්න.

පියවර 02

මෙහි Name යන ස්ථානයට ඔබ කැමති නමක් ලබාදෙන්න.OS Type ස්ථානයට ඔබ ස්ථාපනයට බලාපොරොත්තුවන මෙහෙයුම් පද්ධතිය ‍තෝරා දී එහි සංස්කරණයද (Version) ලබා දෙන්න.දැන් Next බොත්තම ඔබන්න.


පියවර 03
 
දැන් ඔබේ Virtual පරිගනකයට ලබාදිය යුතු RAM ප්‍රමාණය ‍තෝරන්න. මෙහිදී ඔබේ සැබෑ පරිගනකයට ක්‍රියාකිරීමට ප්‍රමාණවත් RAM මතකයක් ඉතිරිවන ලෙස හා ඔබ ස්ථාපනය කරනා මෙහෙයුම් පද්ධතියට ප්‍රමාණවත් RAM මතකයක් ඉතිරිවන ලෙස තේරීම් සිදුකලයුතුය.දැන් Next බොත්තම ඔබන්න.

පියවර 04

දැන් Boot Hard Disk හි Create new hard disk තෝරා Next බොත්තම ඔබන්න.ඊලග වින්ඩෝවටද නැවත Next බොත්තම ඔබන්න.


පියවර 05

දැන්ලැබෙන වින්ඩෝවේ විකල්ප 2 න් ඔබ කැමති විකල්පය ‍තෝරා දෙන්න.

1. Dynamically expanding storage- මෙහිදී අප ‍තෝරාදෙන ඉඩ ප්‍රමාණය දක්වා අවශ්‍යයතාව අනුව දෘඩ තැටියේ ඉඩ ලබා ගනී.එනම් අවශ්‍යයතාව අනුව ‍තෝරාදුන් සීමාව දක්වා ඉඩ ප්‍රමාණය වර්ධනය වේ.
2. Fixed size storage- මෙහිදී අප ‍තෝරාදෙන ඉඩ ප්‍රමාණය දක්වා සම්පූර්නයෙන් දෘඩ තැටියේ ඉඩ ලබා ගනී.තෝරාදුන් සීමාව දක්වා ඉඩ ප්‍රමාණය වර්ධනය නොවේ.

ඉහත RAM ප්‍රමාණය ‍තෝරාදුන් ආකාරයටම දෘඩ තැටිය අදාල ඉඩ ප්‍රමාණය වෙන්කරගන්න.දැන් Next බොත්තම ඔබන්න.





පියවර 06

දැන් Finish බොත්තම ඔබන්න.දැන් ඔබේ Virtual පරිගනකය නිර්මාණය කර අවසන්.දැන් ඔබට ලැබී ඇති වින්ඩෝවෙන් Display තුලින් Video මතකයද,Audio හා Network ට අදාල සැකසුම්ද කරගන්න.


පියවර 07

 

දැන් Start බොත්තම ඔබන්න.ඉන්පසු ලැබෙන VirtualBox Information කවුලුවෙදී OK බොත්තම ඔබන්න.දැන් ඔබේ Virtual පරිගනකය ක්‍රියාත්මක වේවි.දැන් ඔබ ස්ථාපනයට බලාපොරොත්තුවන මෙහෙයුම් පද්ධතියේ Boot-able CD ක් CD Rom1ට ඇතුලත් කරන්න.



පියවර 08


දැන් පහත රූපයේ දැක්වෙන පරිදි ඔබේ ‍CD Rom1 තෝරාදී Machine මෙනුවෙන් Reset ‍විධානය තෝරාදෙන්න.නැතිනම් Right Ctrl + R යන කෙටි යතුරු භාවිතාකරන්න.දැන් ඔබේ Virtual පරිගනකය Restartවී Boot-able CD න් Boot වීමට පටන් ගනීවී.දැන් සුපුරුදුපරිදි ඔබ ‍තෝරාගන් මෙහෙයුම් පද්ධතිය ස්ථාපනය කරන්න.

 



පියවර 09 

 ඔබේ Virtual පරිගනකයේ කාර්යන් අවසන් වූ පසු Machine මෙනුවෙන් Close විධානය දෙන්න.මෙහිදී ඔබ සිදුකල කාර්යයන් Save කිරීමට අවශ්‍යය නම් Save the machine state විධානයද,නැතිනම් Virtual පරිගනකය කෙලින්ම Shutdown කිරීමට Power off the machine විධානය තෝරන්න.

 

තවත් මෙවැනිම VirtualBox පාඩමකින් නැවත හමුවෙමු!